Abbas Misırda

Fälästin däwlät başlığı Mäxmüt Abbas İzrailneñ höcümnäre häm utnı tuqtatu turında söyläşü öçen Misır başqalası Kahirägä kilde.

Fälästin räsmi agentlığı “WAFA”nıñ xäbärendä Abbasnıñ Misır ilbaşı Abdulfättax äs-Sisineñ çaqıruı nigezendä säfär yasawı äytelä. İke lidernıñ oçraşuda İzrailneñ fälästinlelärgä qarşı alıp baruçı genośidın kiçekmästän häm bötenläygä tuqtatu öçen êşçänleklär xaqında söyläşüe kötelä.

Anda, monnan tış, Ğazzä sızığındağı gumanitar hälakätne beterü yulları, Fälästin xalqın qısrıqlap çığaru omtılışlarına çik quyu häm İzrail köçläre belän radikal’ yähüd kilep urnaşuçılarnıñ Yordannıñ basıp alınğan könbatış üzänlegendä häm Qudüstäge höcümnären tuqtatu öçen ğaräp däwlätläreneñ adımnarı, regional’ häm xalıqara tırışlıqlar qaralaçaq.

Xäbärdä Abbas belän Sisi oçraşuınıñ waqıtı turında mäğ’lümat citkerelmi.