Afättä ülüçelär sanı artqan

Yaponiyaneñ könbatışındağı İşikawa provinśiyasendä häm bu töbäktäge Noto yarımutrawı yarında barlıqqa kilgän cir teträwlärdä ğomere özelüçelär sanı 92gä citte.

Yaponiyaneñ Meteorologiya agentlığına kürä 1, 2, 3 häm 4nçe ğıynwar könnärendä İşikawanıñ Noto yarımutrawı häm sulıqlarında zilzilälär barlıqqa kilde.

Alarnıñ zurlıqları 4 belän 7 ball arasında üzgärgän.

Yarımutraw töbägendä bügen dä iyärçen zilzilälär küzätelde.

İşikawa idaräse töbäktäge cir teteräwlärdä 93 keşeneñ yaqtı dön’yadan kitüen, töbäktä 300dän artıq keşeneñ yaralanuın açıqladı.

40tan artıq keşeneñ xäräbälär astında buluı, yabılğan yullar arqasında 700dän kübräk keşeneñ törle urınnarda qaluı citkerelde.

Provinśiyadäge 165 mäktäp häm qorılmada öleşçä zıyan kürelgän, yaqınça 33 meñ keşe 370 êvakuaśiya urınında qunğan.

Noto yarımutrawında däwam itüçe yawım-töşemnärneñ cir şuışularına kiterä alaçağı turında kisätkännär.

30 meñ yort utsız, 80 meñ yort susız qalğan.

Êzläw-qotqaru êşläre öçen töbäkkä cibärelgän Yaponiya saqlanu köçlärendä personal sanı 4600gä kütärtelgän.