Yaponiyada cir teträwneñ qorbannarı arta

Yaponiyäneñ İsikava töbäge häm Noto yarımutrawında bulğan cir teträwlärdä ğomere özelüçelär sanı 78gä citte.

İlneñ meteorologiyä agentlığı xäbär itkänçä, zilzilälär 1nçe, 2nçe häm 3nçe ğıynvarda terkälde. Alarnıñ magnitudaları 5 belän 7 arasında. Noto yarımutrawı tiräsendä bügen dä cirle waqıt belän säğat’ 00.36da 4,8 ball häm 04.38dä 4,9 ball zurlığında 2 teträw terkälgän. Afterşoklar däwam itä.

İsikava gubernatorlığı töbäktä 78 keşeneñ hälaq buluın, 300dän artıq yaralınıñ däwalanuın belderde. 165 mäktäp häm ob’yektta öleşçä cimerelülär küzätelä. 30 meñnän artıq keşe uqu yortları häm sportzallar şikelle êvakuaśiya noqtalarına sıyınğan.

Noto yarımutrawında däwam itüçe yawım-töşemnärneñ cir şuışuğa kiterä aluı turında kisätälär.

Regionda 50dän artıq keşedän xäbär alınmıy, alarnıñ yazmışları bilgesez. Cirlekkä cibärelgän Yaponiyä saqlanu köçlärenä bäyle 2 meñ xezmätkär êzläw-qotqaru êşlärendä qatnaşa. Armiyä boralaqları ixtiyac tovarları taşu öçen qullanıla.