Finlyandiyä häm Şveśiyädä köçle suıqlar

Finlyandiyä häm Şveśiyädä temperatura -40 gradus tiräsenä qadär töşte häm bu qış aylarındağı iñ suıq hawa torışı terkälde.

Şveśiyäneñ STV kanalı xäbärenä qarağanda, ilneñ tön’yağında cirle xalıq saamilar yäşi torğan Nikkaluokta awılında termometrlar -41,6 gradusnı kürsätte. Meteorologiyä belgeçe Nils Xolmkuist bolay di: “Bu - xäzerge qışta kürelgän iñ tübän temperatura. Tön’yaqta suıq hawanıñ täêsire däwam itäçäk”.

İlneñ timer yul şirkätläre suıq hawa säbäple poyızdlar xäräkätendä özekleklär buluın citkerde. Finlyandiyäneñ tön’yaq-könbatışındağı Yuliviyeska şähärendä isä temperatura -37,5 gradus bularaq terkälde. İlneñ meteorologiyä agentlığı şaqtıy cirlektä suıqlıqlarnıñ -40tan da töşä alacağı turında kisätü yasadı.