AQŞ İrandağı şartlawlar turında belderü yasadı

Amerika Quşma Ştatları idaräse İrannıñ Kirman töbägendä 95 keşeneñ ülemenä, 211eneñ yaralanuına kitergän terraktlar belän bäyläneşläre bulu turındağı farazlarnı kire qağa.

AQŞ däwlät departamentı süzçese Mêtt’yu Miller köndälek matbuğat brifingında bu xaqtağı sorawlarğa cawap birde.

“AQŞnıñ moña bernindi qatnaşı yuq, kiresençä söylängännär kölke. İkençedän, İzrailneñ bu şartlawlarda qatnaşuına ışanu öçen bernindi säbäbebez yuq,”-dide ul.

Süzçe Miller höcümdä hälaq buluçılar nisbätennän qayğı urtaqlaştı.

Kiçä İrannıñ Kirman töbägendä İnqıylab saqçıları armiyäse Qudüs köçläre bülegeneñ êlekkege komandirı Qasıym Söläymaninıñ qabere tiräsendä bulğan ike ayırım şartlawda 95 keşeneñ ğomere özelde.