Yaponiyada oçqıç qazasınnan soñ oçışlar tuqtatıla

Yaponiyä başqalası Tokiodağı Xaneda aêroportında oçış sızığındağı hälakättän soñ 100dän artıq reys ğamäldän çığarıldı. İlneñ NHK kanalı xäbärenä qarağanda, älege xäl yaqınça 50 meñ yulçığa yoğıntı yasadı. Ğamäldän çığarılğan reyslar urınına poyızd säfärlären arttıru qararı çığarıldı.

NHKnıñ xäbärendä äytelgänçä, Xaneda aêroportında hawa navigaśiyäse kontrole xezmätkäreneñ soraw aluda oçqıçlar hälakäte turında söylägännäre yar buyı iminlege wäqalätleläreneñ süzlärenä qarşı kilä. Hawa navigaśiyäse kontrole xezmätkäre yulçı oçqıçına kütärelergä röxsät birüen, yar buyı iminlege oçqıçına isä älege oçış sızığınnan çittä torırğa quşuın alğa sörä.  Yar buyı iminlege xezmätendägelär isä üz pilotlarınıñ kütärelü öçen kürsätmä aluın citkerä.  

Kiçä Xaneda aêroportında “Japan Airlines” şirkäteneñ ber oçqıçı yandı. Anıñ säbäbeneñ motornıñ cirgä tiyüe bulırğa mömkin ikäne äytelde. Andağı 379 yulçı häm êkipaj êvakuaśiyälände. Älege oçqıç belän bäreleşkän yar buyı iminlege oçqıçındağı 6 keşelek êkipajdağı 5 keşe hälaq buldı, 1se yaralandı. Alar cir teträwlärdä zıyan kürgän keşelärgä yärdäm iltergä tiyeş bulğan.