Nigeriyädä "Boko Xaram" höcümnäre

Nigeriyäneň tön’yaq - könçığışındağı Borno ştatında “Boko Xaram” terror oyışması oyıştırğan höcümnärdä 12 keşe ğomeren yuğaltqan.

Borno poliŝiyäseneň cämäğat’çelek belän êlemtä bülege xezmätkäre Naxum Daso Kennet beldergänçä, “Boko Xaram” äğ’zaları ştatnıň Çibok töbägendäge Gatamarva häm Tsixa cirleklärendä tirä yaqqa ut açqannar.

Höcümnärdä 12 keşe ülgän, 1 keşene urlağannar.

Kennet äytüençä, terrorçılar höcüm waqıtında keşelärneň azıq-tölek produktların urlağannar häm küp yortlarğa ut törtkännär.

Töbäkkä qurqınçsızlıq köçläre cibärelgän häm waqıyğa belän bäyle tikşerü başlanğan.

Nigeriyädä 2000 nçe yıllardan başlap höcümnär oyıştırğan “Boko Xaram”nıñ 2009 nçı yıldan birle massaküläm köç qullanu çaralarında 20 meñnän artıq keşe ğomeren yuğaltqan.

Terror oyışması 2015 nçe yıldan başlap çik kürşeläre Kamerun, Çad häm Nigerdä dä höcümnär oyıştıra.