Gebreyesus Fälästinneñ “Qızılay”ına höcümnärne ğayepläde

Bötendön’ya sälamätlek saqlaw oyışması ğomum mödire Tedros Adxanom Gebreyesus Ğazzä sızığınıñ kön’yağındağı Xan Yunıs şähärendä urnaşqan Fälästinneñ “Qızılay” cämğıyäte üzägenä qarata höcümnärne ğayepläde. Ul bu xaqta X sośial’ media platformasında yazdı.

Gebreyesus Xan-Yunıstağı “Qızılay” üzägenä häm cämğıyät’neñ Äl-Ämäl xastaxanäsenä höcümnär turında bolay di: “Bombalawlar vöcdansızlıq. Ğazzäneñ sälamätlek saqlaw sisteması bolay da cimerek xäldä. Mediśina häm gumanitar yärdäm xezmätkärläreneñ êşlären başqaruı bäreleşlär säbäple daimi kirtälänä”.

Gebreyesus, monnan tış, Ğazzädäge tınıç xalıqqa azıq-tölek, mediśina tovarları häm su şikelle töp ixtiyaclarnı kertü öçen aşığıç räweştä utnı tuqtatu çaqırularına da quşıluın belderde.

İsegezgä töşeräbez, Fälästinneñ “Qızılay” cämğıyätennän yasalğan belderüdä İzrail armiyäseneñ Ğazzäneñ kön’yağında urnaşqan märkäzläreneñ 8nçe qatın bombalawları citkerelde. Anda 5 fälästinle ülä, 3se yaralana.