Blinken - Tayani söyläşüe uzdı

Amerika Quşma Ştatları däwlät särqätibe Êntoni Blinken belän İtaliya prem’yer-ministrı urınbasarı häm tışqı êşlär ministrı Antonio Tayani telefonnan söyläşte.

AQŞ däwlät departamentınnan yasalğan yazmaça belderügä kürä Blinken belän Tayani Ğazzädäge gumanitar krizisnıñ häm “Xamas” belän İzrail arasındağı bäreleşne tuqtatunıñ aşığıç buluın assızıqladı.

Blinken häm Tayani Rusiyä-Ukraina suğışında Ukrainağa kürsätelüçe köçle xuplawnı da qabatladı.

Söyläşüdä şulay uq Yämändäge İran xuplawındağı xusilärneñ Qızıl diñgezdäge säwdä köymälärenä qarağan höcümnäreneñ global’ mänfäğat’lärgä tudırğan yanawı da quzğatıldı.