Ğazzädäge yuğaltular

İzrailneñ qamalıştağı Ğazzä sızığına 7nçe oktyabr’dän birle yasawçı höcümnärendä üterelgän fälästinlelärneñ sanı 21 meñ 978gä citte.

Ğazzädäge sälamätlek saqlaw ministrlığı süzçese Äşräf Kudra matbuğat cıyılışında sonğı mäğ’lümatlarnı citkerde. Ul 87 köndä 21 meñ 978 şähit buluın, 57 meñ 697 keşeneñ yaralanuın, ğomere özelüçelärneñ 70%ınıñ xatın-qızlar häm balalar buluın söyli.

Höcümnärdä 326 mediśina xezmätkäre üterelgän, zıyan kürgän 104 aşığıç yärdäm maşinası xezmätkä yaraqsız xäldä. Äşräf Kudra höcümnär arqasında yäşägän cirlären taşlap kitärgä mäcbür bulğan 50 meñ awırlı xatın-qıznıñ sıyınu urınnarında yäşäwen, alarnıñ töp ixtiyacları qanäğat’länderelmäwen, citärsez tuqlanuın häm sälamätlek problemaları buluın citkerde.