Dön’yada 4 milliard keşegä denge bizgäge yanıy
Bu xaqta BMO wäkile belderä
Dön’yada 4 milliard keşegä denge bizgäge belän awıru qurqınıçı yanıy.
Bötendön’ya sälamätlek saqlaw oyışmasınıñ êpidemiya häm pandemiyägä äzerlek häm profilaktikalaw bülege liderı Diana Rojas Al’varez dön’ya külämendä denge bizgäge oçraqlarına bäyä birde.
Al’varez bilgeläp uzğança, denge bizgäge virus belän zararlanğan çerkilärneñ teşläwe aşa keşelärgä yoğa, bu awıru kübesençä tropik häm subtropik klimatlardağı şähär cirlärendä kiñ taralğan.
Diana Rojas Alvarez klimat üzgärüe arqasında temperaturanıñ kütärelüenä häm zararlanğan çerkilärneñ tağın da kübräk ildä arta aluına basım yasıy.
Ul bıyıl denge bizgäge oçraqlarınıñ küp illärdä terkälüen iskärtä.
”Dön’yada yaqınça 4 milliard keşe denge bizgäge virusı belän awıru qurqınıçı astında. Anıñ belän zararlanuçılarnıñ kübesendä simptomnar yuq”,- dip belderä ul. BMO wäkile süzlärenä qarağanda, awıruçılarnıñ küp öleşe yaqınça 2 atna êçendä sawığa, läkin qayber oçraqlarda ul citdi awıruğa äylänergä mömkin.
2023 nçe yılda dön’yada 5 millionnan artıq denge bizgäge oçrağı häm aña bäyle 5 meñnän artıq ülem terkälgän.
