İzrail törmälärendäge märxämätsezlek

İzrailneñ Damon törmäsendä 80 fälästinle xatın-qız äsirneñ intekterelüe häm aç qaluı belderelde.

Fälästin äsirläre cämğıyäte advokatlarnıñ Damon törmäsenä yasağan säfäre häm biredäge äsirlär belän ütkärgän söyläşülärdän soñ fälästinle xatın-qızlarnıñ wazğıyäte belän bäyle bularaq yazmaça belderü yasadı.

Damon törmäsendä kübese Ğazzä sızığınnan, qalğannarı Yordannıñ könbatış üzänlege häm Qodüs belän İzraildäge şähärlärdän bulğan 80 xatın-qız äsir bar.

Törmädäge falästinle xatın-qızlarnıñ intekterelüe, mısqıllaw häm tübänsetügä duçar qaluı, aç buluı, kübeseneñ urın citmägänlektän idändä yatarğa mäcbür qaluı, törmä citäkçelegeneñ odeyal täêmin itmäwe belderelde.

Qayberläre törmädä ber ay uzuğa qaramastan haman ber ük kiyemne kiyä.

Ğazzäle äsirlärgä êçärgä yaraşlı bulmağan sular birelä.

Törmä citäkçelege tarafınnan 4 aylıq awırlı xatın-qızğa köygän häm aşap bulmaslıq rizıqlar birelgän. 82 yäş’lek apanıñ isä qıyırsıtıluı açıqlanğan.

İzrail törmälärendäge xoquqsız totışlarğa qarşı Berlӓşkӓn Millӓtlӓr Oyışması belän ber rättän xalıqara cämäğat’çelekkä êşkä kereşü çaqıruı yasaldı.