AQŞta köçle burannar

Amerika Quşma Ştatlarınıñ üzäk tön’yaq töbäklärendä xakimlek itüçe qar burannarı Raştua häm Yaña yıl atnasında säyäxätlärgä qomaçawlıy.

İlneñ meteorologiyä xezmäte Nebraska, Kolorado  - barlığı 5 ştattağı qışqı hawa şartları turında kisätü yasadı. Watandaşlarnı, aşığıç bulmağanda, yulğa çıqmasqa çaqırdılar.

Nebraska ştatı poliśiyäse Raştua köne bulğan 25nçe dekabr’dän başlap hawa torışı belän bäyle 100dän artıq hälakätkä baruların belderde.

Meteorologiyä xezmäte ilneñ tön’yaq-könçığışında bügen tönlä häm irtägä köçle yañğırlar kötelüe, Vaşington, Filadel’fiya häm N’yu-Yorkta qayber cirleklärdä kötelmägän su taşqınnarı bula aluı turında kisätte.

Sişämbedän birle AQŞ külämendä yaqınça 4 meñ 200 oçqıç reysı naçar hawa şartları säbäple ğamäldän çığarılğan yäisä küçerelgän.