Şveŝiya NATOğa äğ’zalıq möräcäğateneň Törkiyädäge tışqı êşlär komissiyäsendä raslanunnan qanäğat’

 Şveŝiya tışqı êşlär ministrı Tobias Bill’strem ileneň NATOğa kerüenä qağılışlı täq’dimneň Törkiyä Böyek Millät Mäclese tışqı êşlär komissiyäsendä qabul itelüennän qanäğat’ buluın belderde.

”Bez Şveŝiyäneň NATOğa äğ’zalıq möräcäğateneň Törkiyädäge tışqı êşlär komissiyäsendä raslanunnan bik qanäğat’. Kiläse adım - parlamentta bu mäs’älädä tawış birü bulaçaq. NATO äğ’zası bulunı tüzemsezlek belän kötäbez”,- dip yazdı ul üzeneň “X” soŝial ‘media akkauntında.

Şveŝiyäneň NATOğa quşıluına qağılışlı protokolnı raslaw turındağı qanun proyektı kiçä Törkiyä Böyek Millät Mäcleseneň tışqı êşlär komissiyäsendä qabul itelgän ide.