Fälästingä teläktäşlek çaraları däwam itä
Dön’yanıñ här poçmağında İzrail zolımı astındağı Fälästingä teläktäşlek çaraları däwam itä
Dön’yanıñ här poçmağında İzrail zolımı astındağı Fälästingä teläktäşlek çaraları däwam itä.
Norvegiya başqalası Osloda cıyılğan ber törkem İzrailneñ Ğazzädäge genośidına reakśiya kürsätte.
Qar östenä tezlängän protestçılar Fälästin bayrağın açtı.
Awstraliyaneñ Mel’burn şähärendä oyıştırılğan tradiśion Raştua bäyräme waqıtında 2 keşe Fälästin bayraqları belän säxnägä çıqtı.
Alar “Ğazzädä balalar ülä” şiğaren äytte.
Amerika Quşma Ştatlarınıñ N’yu-Djersi ştatında da yöräklär Fälästin öçen cıyıldı.
Fälästin bayraqları urın alğan maşinalar konvoy barlıqqa kiterde.
N’yu-Yorkta da yänä meñnärçä keşe Fälästingä teläktäşlek kürsätü öçen cıyıldı.
Çarada İzrail zolımın protest ittelär, aşığıç räweştä utnı tuqtatırğa çaqırdılar.
AQŞ citäkçelege İzrail höcümnärenä yärdäm kürsätkäne öçen maqsat itep alındı.
Fälästin yaqlıları Vaşington citäkçelegeneñ möhim isemnärennän bulğan saqlanu ministrı Lloyd Ostin belän AQŞnıñ Milli qurqınıçsızlıq kiñäşçese Djeyk Sallivan öye yanında cıyılıp, Ğazzä säyäsäte arqasında Amerika Quşma Ştatların protest itte.
Marokko başqalası Rabatta meñnärçä keşe Ğazzägä teläktäşlek öçen çara oyıştırdı.
Rizasızlıq belderüçelär üterelgän fälästinlelärneñ fotoräsemnären kütärde, daimi utnı tuqtatu urnaştırunı soradı.
