Gvineyada neft’ terminalındağı şartlawda ülüçelär sanı arttı
Waqıyğada ülgän keşelärneñ kem buluın açıqlaw awırlıq belän bara
2079615
Gvineyadağı neft’ terminalında bulğan şartlawda ülüçelär sanı 23kä citte. Waqıyğa başqala Konakrida buldı. Şartlaw häm annan soñ çıqqan yanğında ülüçelär sanı başta 13 dip äytelgän ide, xäzer anıñ 23kä citüe belderelde. 10 mäyetneñ kemneke buluı älegä açıqlanmağan. Yaralanuçılar sanı isä 241. Monnan tış, bik küp keşe yuqqa çıqqan sanala. Şuña kürä, xökümät hälaq buluçılar sanınıñ artaçağına borçıla.
Şartlaw Gvineyada sıyıq yağulıq importı başqarıluçı töp neft’ terminalında bula. Bu isä ildä yağulıq qıyınlıqları belän bäyle borçular barlıqqa kiterde.
Waqıyğanı tikşerü bara.
Gvineya pänceşämbedän başlap 3 könlek milli matäm iğ’lan itte.
