Ğazzädä soñğı wazğıyät'

Ğazzädäge xökümätneñ Media ofisınnan yasalğan belderüdä İzrail armiyaseneñ 75 kön buyı däwam itüçe höcümnäre belän bäyle mäğlümat birelde.

İzrail höcümnärendä ğomere özelgän fälästinlelär sanı 20 meñnän artqan.

Yaralanuçılar sanı da 52 600dän uzğan.

Belderügä kürä höcümnärdä cimerelgän bina xäräbälärendä qalğan keşelar sanı – 6700, bolarnıñ 70%ı – xatın-qızlar häm balalar.

İzrail şulay uq 310 sälamätlek saqlaw xezmätkäre, 35 grajdan saqlanu xezmätkäre häm 97 jurnalistnı ütergän. 99 sälamätlek saqlaw xezmätkäre belän 8 jurnalistnı da totqarladı.

İzrail armiyase höcümnärendä Ğazzä sızığında 53 meñ toraq cimerelgän, 255 meñ toraq öleşçä zıyan kürgän, 126 däwlät üçrejdeniyese, 90 mäktäp häm yuğarı uqu yortı cimerelgän, barlığı 283 mäktäp häm universitetka da zıyan salınğan, 114 mäçet cimerelgän, 200e zıyan kürgän.