İzrail korablarına portlar yabıq

Malayziyä xökümäte räise Änwär İbrahim fälästinlelärgä zolım kürsätüe säbäple İzrail bayrağı yörtüçe häm älege ilgä qarawçı barlıq korablarnıñ portlarına yaqınlaşuı tıyıluın citkerde. Ul älege qararnıñ İzrailneñ Fälästingä höcümnärenä häm bernindi xalıqara prinśiplarına turı kilmäwçe xoquq bozularına cawap sıyfatında buluın häm xäzer ük ğamälgä keräçägen äytä. Monnan tış, İzrailgä baruçı barlıq korablarnıñ Malayziya portlarında yök töyäwe dä tıyıla.

İzraildä urnaşqan şirkätlär häm korablar 2005nçe yıldan birle Malayziya portlarına kilä ala ide.

Xökümät räise Änwär İbrahim älege qaranıñ Malayziyädäge säwdä êşçänlegenä täêsir itmäyäçägen belderde.