Dön'yanıñ iñ yaxşı universitetları

Dön’yanıñ iñ yaxşı 3 meñ universitetı arasına Törkiyädän 119 yuğarı uqu yortı kerde.

Dön’yada universitetlar reytingın tözüdä wäqalätle 10 oyışmanıñ berse bulğan Yaqın Könçığış texnik universitetı isemlegen açıqladı. Anda kergän Törkiyä yuğarı uqu yortları arasında Xacättäpä universitetı 554nçe urınğa çığıp iñ yaxşısı buldı.

Berençe meñlekkä kergän tağın 8 uqu yortı: İstanbul texnik universitetı 783nçe, İstanbul universitetı 799nçı, Änkara universitetı 800nçe, Yaqın Könçığış texnik universitetı 868nçe, Koç universitetı 920nçe, İstanbul universitetı - Cärraxpaşa 990nçı, Ğazi universitetı 995nçe häm Ägäy universitetı 998nçe.

İsemlektä berençe urında, başqa yıllardağı şikelle ük, Garvard universitetı. İkençe urında - Toronto universitetı, Kolledj London universitetı isä - öçençe.