Qıtayda salqınnar reyslarnı tuqtatqan
Salqınnar häm qar yawu arqasında meñnärçä reys ğamäldän çığarılğan
2076832
Qıtayda ilneñ tön’yağında küzätelgän salqınnar häm qar yawu arqasında meñnärçä reys ğamäldän çığarılğan.
“Kaysin’” media törkeme “Flight Master”dan citkergän mäğlümatqa kürä öçençe kön ildä planlaştırılğan 16 meñ oçqıç säfärennän 4333e ğamäldän çığarılğan.
4191 êçke reys, 142 çit il säfäre naçar hawa şartları arqasında başqarılmağan.
Kiçä isä 1239 êçke reys häm 39 çit il säfäreneñ ğamäldän çığarıluı belderelde.
Qıtay Meteorologiya idaräse ildä küzätelüçe salqınnar arqasında sarğılt-qızıl töstä sörän iğlan itkän.
