İzrail armiyäse aq fosfor qullanuın qabul itte

İzrail armiyäse üzeneñ inventarenda aq fosforlı töten bombaları buluın belderde. Armiyä radiosınnan bu xaqta açıqlaw yasaldı. Ul Aq Yortnıñ Livan kön’yağındağı höcümnärdä bu tör yanğın çığaruçı materiallarnıñ qullanıluı turındağı borçuların citkerüennän soñ buldı.  

“Maskirovka öçen yasalğan, höcüm yäisä yanğın çığaru maqsatı bulmağan aq fosforlı töten bombalarıbız bar” diyelä açıqlawda. Anda älege qoralnıñ xalıqara xoquqqa yaraqlı buluı häm bik küp Könbatış armiyäsendä qullanıluı alğa sörelä. Alar, yänäse, xoquqıy yaqtan, yanğın çığaruçı qoral räweşendä bilgelänä.

Fälästinneñ “Äl-Aqsa” telekanalında 8nçe dekabr’dä urın alğan xäbärdä İzrailneñ bik küp grajdanlı yäşi torğan Cibaliya möhacir lagerındağı mäktäpkä höcümendä “fosfor häm töten bombası” qullanuı äytelä.

Amerikanıñ “Vaşington Post” gazetı 16nçı oktyabr’dä İzrailneñ Livandağı Daxayra cirlegeneñ kön’yağında oyıştırğan häm 9 keşeneñ yaralanuına säbäpçe bulğan höcümendä qullanılğan aq fosforlı artilleriya snaryadlarınıñ qaldıqların taptı.

Xalıqara yarlıqaw oyışması häm Keşe xoquqların küzätü oyışması İzrailneñ Ğazzä häm Livandağı xärbi operaśiyälärendä aq fosfor qullanuın citkergän ide.