İzrail xatın-qız äsirlärne törmägä yaptı

İzrailneñ Ğazzädä qulğa alğan 142 fälästinle xatın-qıznı törmägä utırtuı açıqlandı. Fälästin äsirlär cämğıyäte häm bäysezlek oyışmasına qarawçı Fälästin totqınnarı êşläre komitetı älege mäs’älä belän bäyle yazmaça belderü yasadı. Törmägä kergän xatın-qızlar arasında bäbäyle analar, olı yäş’tägelär häm balalar bar. Alarnı törle törmälärdä totalar.  

İzrail älegä bu mäs’älä belän bäyle açıqlaw yasamadı.

Fälästinle ictimağıy oyışmalar monnan alda yasağan berdäm belderüdä qamalıştağı Ğazzä sızığınnan alınıp Ramallaxnıñ könbatışındağı Ofer törmäsenä yabılğan fälästinle äsirlärgä qarata qurqınıç cinayät’lär êşlänüen citkergän ide. Anda äytelgänçä, İzrail totıqlarnıñ sanı, yazmışı, totılğan urınnarı häm sälamätlekläre turında mäğ’lümat birüdän baş tarta.