“Telefonika” 5 meñnän artıq xezmätkären êştän çığarırğa cıyına

 İspaniyäneň küp millätle telekommunikaŝion şirkäte “Telefonika” 2026 nçı yılğa qadär 5 meň 124 xezmätkären êştän çığaraçaq.

İspaniyädä “ERE” dip atalğan häm yuğaltular kiçerä başlağan şirkätlärgä zakonlı räweştä xezmätkärlärne êştän cibärergä  mömkinlek birüçe qanunnar cıyılmasın qullanuçı “Telefonika”  bu xaqta hönärçelär belekläre belän söyläşülär ütkärä başlağan.

”Telefonika” belän berençe oçraşuın ütkärgän hönärçeär beleklärennän matbuğatqa yasalğan belderügä qarağanda, yaqınça 16 meň xezmätkäre bulğan şirkät “Telefonika Moviles”, “Telefonika Soluciones” häm “Telefonica Espana” dan 5 meň 124 keşene 2026 nçı yılğa qadär êştän azat itüne planlaştıra.

Êştän çığaru şirkättä 15 yıldan artıq êşlägän häm 1968 nçe yılğa qadär tuğan keşelärne üz êçenä ala.

“Telefonika” 2011 nçe yılda da “ERE” iğ’lan itep 6 meňgä yaqın xezmätkären êştän cibärgän bulğan.