Yortsız qaluçılar sanı arta

Berlӓşkӓn Millӓtlӓr Oyışmasınıñ Qaçaqlar yuğarı komissariatı kiläse yıl azağına qadär küçenep kitüe küzdä totılğan keşe sanı belän bäyle bularaq X sośial’ media platformasında belderü yasadı.

Belderüdä bolay diyelä: “2024 yıl azağına qadär 130 millionnnan kübräk keşeneñ mäcbüri räweştä küçenep kitüe yäisä däwlätsez qaluı kötelä. Berlӓşkӓn Millӓtlӓr Oyışmasınıñ Qaçaqlar yuğarı komissariatı bu keşelärne saqlawda täwäkkäl. Bügenge konferenśiyabezdä partnyerlarıbızdan aşığıç finans yärdäm kürsätülären sorıybız.”

Berlӓşkӓn Millӓtlӓr Oyışmasınıñ Qaçaqlar yuğarı komissariatı 25 oktäbr’ könne açıqlağan xisabında bar dön’yada däwam itüçe suğış, qırıslıq häm keşe xoquqların bozular arqasında mäcbüri räweştä küçenep kitüçelär sanınıñ bu yılnıñ iyun’-sentäbr’ aylarında 4 millionğa artıp, 114 millionnan kübräk buluınıñ farazlanuın beldergän ide.