Germaniyädä qar tormışqa tiskäre täêsir itte

Germaniyaneñ kön’yağında küp itep yawğan qar tormışqa tiskäre täêsir itte.

Qar arqasında Myunxen aêroportındağı 320 reys ğamäldän çığarılğan.

Hawa mäydanı räsmi zatları yulçılarğa aêroportka barğançı oçqıç säfärlären kontrol’ itärgä kiñäş itte.

Qar şulay uq timer yulı transportına da yoğıntı yasağan.

İşelgän ağaçlar häm qarnıñ rel’slarnı qaplawı arqasında qayber säfärlär çınğa aşmadı.

Ul’m häm Myunxenda qayber yulçılar tönne poyezdda uzdırırğa mäcbür qalğan.

Bavariya yullarında şaqtıy yul hälakäte barlıqqa kilgän.

Germaniyaneñ Meteorologiya departamentınnan yasalğan açıqlawğa kürä töbäktä qar qalınlığınıñ 40 santimetrğa citüe kötelä.