Papa İzrailneñ höcümnären "terrorçılıq" dip atağanmı?

Katoliklarnıñ ruxani liderı häm Vatikan däwlät başlığı papa Franśisknıñ İzrail ilbaşı İsaak Xerśog belän telefonnan söyläşkändä İzrailneñ Ğazzägä höcümnäre turında “terror” süze qullanuı alğa sörelä.

“Vaşington Post”nıñ isemen belderergä telämäwçe izraille wäqalätle süzlärenä nigezlänüçe xäbärendä äytelgänçä, älege şäxsi söyläşü papa belän Xerśog arasında oktyabr’ ayı axırlarında bula. Anıñ êçtälegen cämäğat’çelekkä citkermädelär.

Söyläşüdä Xerśognıñ Ğazzädä “üzlaren yaqlaw öçen kiräkle bulğannı êşläwlären” assızıqlawı, papanıñ isä tınıç xalıqnıñ cawaplı totılmasqa kiräklegen äytüe açıqlandı. İzrail cämäğat’çelegenä belderelmäyäçäk qadär “naçar” buluı söylänüçe älege äñgämädä papanıñ Xerśognı “Terrorçılıqqa terrorçılıq belän cawap birü tıyıla” dip kisätüe alğa sörelä.

Vatikannıñ “Vaşington Post”qa belderüendä isä papanıñ Xerśog belän telefonnan söyläşüe raslana, tik anda ruxani lidernıñ İzrail höcümnären açıq räweştä “terror” dip atawı turında berni äytelmi.

İzrail ilbaşı apparatı süzçese älege mäs’älägä açıqlıq kertüdän baş tarttı. “Şäxsi söyläşülär turında belderü yasamıybız”-dide ul.