"Gumanitar tänäfes töp problemalarnı çişmäde"

BMO ğomum särqatibe Antonio Guterriş İzrail belän “Xamas” arasında kileşengän “gumanitar tänäfes”neñ töp problemalarnı çişmäwen äytte. Ul Afrika Berlege komissiyäse citäkçese Mussa Faki Maxamat belän bergä oyıştırğan matbuğat cıyılışında çığış yasadı.

Guterriş Ğazzädä çın “gumanitar utnı tuqtatu” iğ’lan itelü kiräklegen belderde. “Gumanitar tänäfes döres yünäleştä yasalğan adım ide. Ömet simvolı buldı, tik qarşıbızdağı töp problemalarnı çişmi”,-dide ul.

Guterriş şartsız häm kiçekmästän barlıq äsirlärne cibärüne, gumanitar yärdämnärneñ Ğazzädäge keşelärgä şunda uq ireşterelüen täêmin itüçe “gumanitar utnı tuqtatu” kertelüen teläwlären assızıqladı.