"Bez tınıçlıq telibez"

Katoliklarnıñ ruxıy liderı häm Vatikan däwlät başlığı Papa Franśisk Ğazzädä täêmin itelgän utnı tuqtatunıñ däwamın ömet itüen äytte.

Vatikanda çärşämbe könnärendä böten xalıqqa açıq ütkärelä torğan qabul itü utırışın oyıştırğan Papa: “Zinhar, Fälästin häm İzraildağı citdi wazğıyät’ öçen doğa qılunı däwam itik. Tınıçlıq, zinhar tınıçlıq bulsın,” – dide.

Papa Franśisk tübändägeçä däwam itte: “Ğazzädä xäzerge utnı tuqtatunıñ däwam itüen ömet itam. Şul räweşle, barlıq totıqlarnıñ irekkä cibärelüen häm kiräkle gumanitar yärdämgä ireşergä röxsätneñ birelüen ömet itam. Andağı cämäğat’tän su häm ikmäkneñ bulmawın, keşelärneñ qayğı-xäsrät kürüe turında işettem. Alar – tınıç xalıq, suğışuçılar qayğı kürmi. Bez tınıçlıq telibez.”