Guterriş Ğazzädäge gumanitar tänäfesneñ citärlek bulmawın belderde

BMO ğomum särqatibe Antonio Guterriş: “Ğazzädäge gumanitar tänäfes suğışnıñ qarañğılığında keşelekkä ber adım häm ömet çatqısı,”-dide. Ul oyışmanıñ N’yu-York şähärendäge binasında belderülär yasadı.

Guterriş İzrail belän Ğazzä arasındağı Käräm Şalom çik qapqasınıñ açıluına ömetlänüen, monıñ tağın da kübräk yärdäm kertügä mömkinlek biräçägen söyläde. Ul Ğazzädäge bäreleş tögällängännän soñ küçeş prośessınıñ ähämiyätle rol’ uynayaçağına iğ’tibarnı cälep itte häm älegä bu mäs’älädä fiker äytergä irtä bulsa da, Fälästin idaräseneñ Ğazzädä cawaplılıq aluı kiräklegen uylawın belderde. Guterriş xalıqara cämäğat’çelekneñ dä monı yaqlawınıñ zarurilığın assızıqladı. Anıñça, Fälästin idaräseneñ ike däwlätle çişeleşkä iğ’tibar yünältüe ähämiyätle.

Guterriş Ğazzädäge gumanitar tänäfesne ozaytu kiräklege turında da söyläde. Çönki qamalıştağı xalıqqa berençe êtapta kertelgän gumanitar yärdäm citärlek tügel.