İzrail belän “Xamas” arasında ikençe totqın almaşu tormışqa aştı

İzrail belän “Xamas” arasındağı kileşü qısalarında ikençe totqın almaşu bulğan.

”Xamas” 13 İzrail häm 4 Tailand totqının, İzrail isä 39 Fälästin totqının azat itkän.

4 könlek gumanitar tänäfestä öçençe köngä kergäç dön’ya kötkän ikençe totqın almaşu da tormışqa aştı.

”Qızıl Xaç” gumanitar yärdäm oyışması mäğ’lümatlarına qarağanda, “Xamas” 13 İzrail häm 4 Tailand äsiren azat itte.

Fälästin Azatlıq oyışmasına bäyle Totqınnar häm azat itelgännär delegaśiyäse belderüendä isa İzrailneñ 39 Fälästin äsiren irekkä cibärüe citkerelde.

Fälästin räsmi mäğ’lümat agentlığı “WAFA” İzrailneñ 39 Fälästin keşesen, şul isaptän 33 bala häm 6 xatın -qıznı, azat itüen belderde.

Comğa könne bulğan berençe totqın almaşuda İzrail törmälärendäge 39 fälästinle häm 13 izraille irekkä cibärelgän ide.