Säwdä üzägendä yanğın

Paqıstannıñ Karaçi şähärendä säwdä üzägendä çıqqan yanğında, berençe mäğ’lümatlarğa qarağanda, 11 keşeneñ ğomere özelde, 22 keşe yaralandı.

İl matbuğatındağı xäbärlärdä äytelgänçä, Karaçinıñ Raşid Minxas uramındağı säwdä yortı 6 qatlı. Yanğınnıñ ni säbäple başlanuı älegä açıqlanmağan.

Wäqalätlelär binadan çığa almıyça qalğan 50 keşene qotqaru häm yanğınnı sünderü öçen êşçänlek baruın belderä.