Awrupa Berlege Nigeriyağa 1 million yevro cibärä

Awrupa Berlege Nigeriyada difteriyä kizüe taraluına çik quyu maqsatınnan älege däwlätkä 1 million yevro yärdäm cibärde. Bu xaqta yasalğan belderüdä älege aqçalarnıñ Xalıqara Qızılxaç häm Qızılay cämğıyät’läre federaśiyäseneñ afätlärgä qarşı köräş fondına mart ayında küçerelgän 150 meñ yevroğa östämä buluı äytelä.

Äytergä kiräk, Nigeriya moñarçı kürelmägän difteriyä kizüe belän köräşä. Ğıynvardan birle ildä 10 meñ 322 awıru oçrağı terkälde häm bu waqıt êçendä 600 keşe ülde.

Bötendön’ya sälamätlek saqlaw oyışması Nigeriyada artqan difteriyä oçraqları säbäple ikençe kizü dulqını kiçerülären rasladı.

BMOnıñ balalarğa yärdäm fondı kizügä qarşı köräş qısalarında sentyabr’dä älege ilgä 9,3 million doza vakśina cibärde.