Vanuatu häm İndoneziyädä cir teträgän

Tın okeandağı utraw ile Vanuatuda 6,7 ball zurlığında cir teträw bulğan.

Amerika geologik tikşerenülär üzäge xäbär itkänçä, anıň êpiŝentrı Vanuatunıň Port Orli qasabası yarınnan 98 çaqrım yıraqlıqta.

Berençe mäğ’lümatlarğa qarağanda, 22 kilometr tiränlektä terkälgän zilzilädä ülem-kitem häm matdi yuğaltu yuq.

Avstraliya ŝunami kisätü üzäge ŝunami qurqınıçı bulmawın belderde.

İndoneziyädä dä 6 ball zurlığındda cir teträw barlıqqa kilgän.

Ul cir östennän 119 çaqrım tiränlektä terkälgän.

İndoneziya meteorologiya, klimat häm geofizika agentlığı ŝunami qurqınıçı bulmawın belderde häm iyärçen zilzilälär turında kisätte.