Qızamıq ülemnäre ber yılda 40%ka artqan.

Bötendön’ya sälamätlek saqlaw oyışması häm AQŞtağı Xastalıqlarnı kontrol’dä totu häm profilaktikalaw üzäkläre äzerlägän yaña xisapqa kürä qızamıq oçraqları belän ülemnäre 2021-2022 yıllar arasında arttı.

Xastalıqlarnı kontrol’dä totu häm profilaktikalaw üzäkläreneñ atnalıq xisabı qısalarında 17 noyabr’ comğa könne açıqlanğan tikşerenü kürsätkänçä 2021-2022 yıllarda qızamıq oçraqlarında yaqınça 18%lık artış küzätelgän.

Bu isä 2021dä 7 million 800 meñ bulğan awıru oçrağı sanı ber yılda 9 million 200 meñgä citkän digän süz.

Qızamıqtan ülüçelär sanınıñ da 43%ka artuı belderelde. Şul räweşle ülüçelär sanı 95 meñnän 136 meñgä citkän.

Xastalıqlarnı kontrol’dä totu häm profilaktikalaw üzäkläre räsmi zatı Djon Vertefoil tübändägeçä citkerde: “Qızamıq kizüläre häm ülemnärendäge artış şaqqattıra. Läkin soñğı berniça yılda vakśinaśiya külämeneñ kimüe arqasında kötelmägän xäl tügel.”