Zimbabveda ğadättän tış xäl iğ’lan itelgän

Zimbabve başqalası Xarareda xolera êpidemiyäse arqasında ğadättän tış xäl iğ’lan itelgän.

Milli massaküläm mäğ’lümat çaralarında äytelgänçä, Xarare mêrı Yan Makone başqala tiräsendä awırular artu säbäple ğadättän tış xäl iğ’lan itelüen beldergän.

Makone äytüençä, bu êpidemiya 2008 nçe yılda Zimbabveda 4 meňnän artıq keşe ğomeren yuğaltqan xolera kizüenä oxşağan.

Zimbabve sälamätlek saqlaw ministrlığı belderüendä 12 nçe noyabr’dä başlanğan êpidemiyädä 14 nçe noyabr’gä qadär 7 meň 398 şikle xolera oçrağı terkälüe äytelä.

Êpidemiyädä kim digändä 50 keşeneň ğomere özelgän, 100 dän artıq keşe xastaxanädä däwalana.

İldä 2008 nçe yılda 100 meňnän artıq xolera oçrağı terkälgän êpidemiyädä kim digändä 4 meň keşe yaqtı dön’yadan kitkän.