İspaniyägä kilüçe tärtipsez qaçaqlar sanı artqan

2023 nçe yılnıñ 1 nçe ğıynwarınnan 15 nçe noyabrenä qadär İspaniyägä kitkän tärtipsez qaçaqlar sanı 46 meñ 862 gä citkän. Bu isä xäzergä qadärge iñ yuğarı kürsätkeç.

Êçke êşlär ministrlığı mäğ’lümatlarına qarağanda, bıyıl ilgä kergän qaçaqlar sanı uzğan yılnıñ şul uq çorı belän çağıştırğanda 62%qa kübräk.

Alarnıñ küpçelege, yäğ’ni 45 meñ 707 keşe, Tön’yaq Afrika yarlarınnan diñgez aşa kilgännär.

Yıl başınnan 15 nçe noyabr’gä qadär İspaniyäneñ kön’yaq-könbatışındağı Kanar utrawlarına 32 meñ 436 tärtipsez migrant kilgän, bu isä uzğan yılnıñ şul uq däwere belän çağıştırğanda 118%qa artıq. Älege marşrut soñğı yıllarda iñ küp qullanıla.

Qaçaqlar İspaniyägä qara cirdän Marokko çigendäge Keyta häm Melilla avtonom şähärlärennän kitä.