Ğazzägä höcümnär däwam itä

İzrail blokada astındağı Ğazzägä höcümnären däwam itterä.

İzrail köçläre höcümnärendä üterelgän fälästinlelär sanı 11 500gä kütärelde.

Xastaxanä häm grajdan urınnarğa höcümnär artqan, Xamas häm İzrail köçläre arasında da tığız bäreleşlär küzätelä.

İzrail armiyase Ğazzäneñ törle urınnarına töne buyı oyıştırğan höcümdä ülüçe häm yaralanuçılar buldı.

Fälästinneñ xäbär agentlığı WAFA beldergänçä Ğazzäneñ tön’yağındağı Cibaliye qaçaqlar lagerenä İzrail başqarğan küpläp üterüdä kim digändä 11 Fälästin keşese ülde, qayberläre yaralandı.

İzrail xärbi oçqıçları häm artilleriya berämlekläre Ğazzäneñ Şeyh Rıdav, Tuffah häm Şucaiyyä mäxällälärenä, Yafa prospektı häm Näzzalä töbägenä ut açtı.

İzrail şulay uq Buräyc qaçaqlar lagere belän Räfax şähärendä yortsız qaluçılarğa höcüm itte.

Cänin lagerenä qorallı keşesez hawa apparatı belän oyıştırılğan höcümdä 3 fälästinleneñ ğomere özelde, 9 keşe yaralandı.

İzrail ğaskäriläre İbni Sina xastaxanäsen blokada astına aldı.

Ğazzädäge xökümät citkergänçä İzrail qamap alğan Şifa xastaxanäsenä sıyınğan 7 meñnän artıq keşe, awırular häm sälamätlek saqlaw personalı su häm azıq-tölek bulmaw arqasında ülemgä duçar itelde.

Livandağı Xizbullah xäräkateneñ İzrailgä bäyle xärbi urınnarğa höcüm oyıştıruı belderelde.