Kongodan qaçuçılar Ugandağa sıyınğan

 Kongo Demokratik Cömhüriyätendä armiya bülekläre belän ğıys’yançılar arasında bulğan bäreleşlär arqasında 1000nän artıq keşe kürşe il Ugandağa sıyınğan.

Bu xaqta Uganda Qızıl Xaç cämğıyäte belderä.

Cämğıyät’ belderüendä Ugandağa sıyınğan keşelärneñ Bundibugyo töbägenä kilüläre, alarğa gumanitar yärdäm kürsätelüe äytelä.

Kongonıň könçığışında 20 yıl däwamında altın häm kobal’t şaxtaların kontrol’dä totarğa tırışqan qorallı törkemnärneň höcümnäre bula.

Töbäktäge ğıys’yançı törkemnär höcümnärendä tınıç xalıqtan meñlägän keşeneñ ülüe farazlana.

Ugandada kübesençä Kongo Demokratik Cömhüriyäte, Kön’yaq Sudan, Ruanda, Burundi, Êritreya häm Somalidan kilgän 1,5 millionnan artıq qaçaq bar.