"Awıru keşelärgä häm tınıç xalıqqa höcüm itüne bernärsä belän dä aqlap bulmıy"

 Berläşkän Millätlär Oyışmasınıñ gumanitar êşlärdän cawaplı ğomum särqatip urınbasarı häm aşığıç yärdäm koordinatorı Martin Griffits Ğazzädä qaçarğa tırışqan awıru keşelärgä häm tınıç xalıqqa höcüm itüne bernärsä belän dä aqlap bulmawın belderde.

Ul “X”sośial media platformasında Ğazzädäge gumanitar xäl turında belderülär yasadı.

Griffits xastaxanälärneñ qurqınıçsız, imin urın bulırğa tiyeşlegen äytte.

"Suğış ğamälläre belän sälamätlek saqlaw oyışmaların êlektrsız, azıq-töleksez häm susız qaldıru, qaçarğa tırışqan awıru keşelär häm tınıç xalıqqa höcüm itüneñ bernindi xaqlı säbäbe bula almıy. Bu - vöcdansızlıq, anı ğayeplärgä kiräk häm ul tuqtatılırğa tiyeş. Xastaxanälärgä moxtac keşelär alarnıñ suğış urını tügel, ä sıyınu urını ikänlegenä ışanırğa tiyeş”, - dide Martin Griffits.

İskärtep uzabız: “Xamas” oyışmasınıñ xärbi törkeme “İz-ad-Din äl-Qassam” brigadaları 7nçe oktäbrdä İzrailgä qarşı “Aqsa tufanı” dip ataluçı külämle höcüm başlawın xäbär itte.

İzrail armiyäse dä moña cawap itep xärbi oçqıçlar belän Ğazzädä “Timer qılıçlar” xäräkäte başlawın iğ’lan itte