Meksikada ğarasat 50dän artıq "can alğan"

Meksikanıñ kön’yağındağı yar buyı şähäre Akapul’koda küzätelüçe Otis ğarasatında 50dän artıq keşeneñ ğomere özelgän.

Dawıl şähärdän kitkännän soñ prospekt häm uramnarnıñ mebel’ häm öy äyberläre belän tuluı arqasında töbäk xalqı naçar is häm kizü riskı belän dä köräşä.

Xökümättän yasağan açıqlawğa kürä Akapul’konı çistartırğa bulışır öçen meñnärçä ğaskärigä wazifa birelgän.

Tulğan çüplärneñ kizülärgä kiterä aluına borçılıp, räsmi zatlardan yärdäm sorağan xalıq çüplärneñ häm taşlandıq äyberlärneñ qısqa waqıtta çistartıluın teli.

Dawılda yaqınça 900 meñ keşe zıyan kürgän, 50dän artıq keşe ülgän.

Däwlät başlığı Andres Manuêl’ Lopes Obrador xastalıqlarnı buldırmaw öçen şähärne dezinfekŝiyalärgä häm çüplärne iñ qısqa waqıtta çistartırğa süz birgän ide.

26 oktäbr’ könne 5nçe kategoriyağa kütärtelgän Otis dawılı arqasında Meksikanıñ turistik şähäre Akapul’koda moñarçı kürelmägän afät çıqqan ide.