"Bezne qotqarsınnar yuğıysӓ ülӓçӓkbez"

Ğazzӓdӓge tabib-ginekolog Fadia Malhis “Şifa” xastaxanӓsendӓge soñğı wazğıyӓt’ turında citkerde.

İzrail armiyaseneñ xastaxanӓdӓn qaçarğa telӓwçelӓrgӓ ut açuın ӓytkӓn tabib bolay dide: “Bezne qotqarsınnar, bu suğışnı tuqtatsınnar yuğıysӓ ülӓçӓkbez.”

Xastaxanӓdӓ utnıñ bulmawın, reanimaśiya bülegendӓ yatuçı bӓbilӓrneñ awır xӓldӓ buluın beldergӓn tabib tübӓndӓgeçӓ dӓwam itte: “Reanimaśiyadӓ 60 bӓbi bar, 39ı – intubaśiyalӓngӓn, ber bӓbi töştӓn soñ ülde. Bolar ber-ber artlı ülӓçӓk.”

Fadia Malhis beldergӓnçӓ İzrail armiyase xastaxanӓne qamap alğan.

“Xastaxanӓdӓn çığarğa telӓwçelӓrgӓ ut açalar. Büleklӓr arasında yörüçelӓrne dӓ kürep alsalar, atalar. Baqçada, açığış yӓrdӓm bülege aldında şaqtıy şӓhit bar, alarnı cirlӓrgӓ tırışqan keşelӓrgӓ dӓ ut açtılar. Wazğıyӓt’ bik naçar hӓm qurqınıç, añlatıp beterep bulmıy. Susız, utsız, rizıqsız törmӓ kebek,” – dide tabib.

Moñarçı xastaxanӓ hӓm kampusına 60 meñ keşeneñ sıyınuın citkergӓn tabib soñğı 2 kön buyı İzrailneñ xastaxanӓgӓ höcümnӓr oyıştıruın, xastalar, tabiblar, şӓfqat’ tutaşları hӓm xastaxanӓ xezmӓtkӓrlӓre bulğan 17 meñ keşeneñ haman da xastaxanӓdӓ buluın ӓytte.

Xastaxanӓdӓn qayber keşelӓr qaça alğan, kübese isӓ yullarda ülgӓn.

Fadia Malhis: “Ber metrğa da çığıp bulmıy, işek töbendӓ kötӓlӓr. Xӓrbi oçqıçlardan ut açıla. İnternet ta yuq monda. Hӓr cirdӓ mӓyet bar. Bezne qotqarığız!” – dide.