Berençe tapqır küzne küçerep utırtqannar
Amerikalı xirurglar berençe tapqır küzne küçerep utırtqan
Amerika Quşma Ştatlarındağı N’yu-York Universitetınıñ internet sӓxifӓsendӓ yasalğan belderügӓ kürӓ 27 may könne yasalğan lӓkin kiçӓ genӓ matbuğatqa açıqlanğan operaśiyadӓ 140tan artıq sӓlamӓtlek saqlaw xezmӓtkӓre qatnaşqan.
“Langone” isemle sӓlamӓtlek saqlaw üzӓgendӓ yasalğan operaśiya yaqınça 21 sӓgӓt’ dӓwam itkӓn.
46 yӓş’lek Aaron Djeymsnı êş urınında 7200 vol’tlık êlektr suğa. Xastağa küz küçerep utırtqannar, şulay uq ber donornıñ cilegennӓn alınğan tamır küzӓnӓklӓre dӓ kertelgӓn.
Aaron Djeyms berençe tapqır küz küçerep utırtılğan xasta bularaq tarixqa kerde.
Küçerelgӓn küzneñ kürep kürmӓyӓçӓge ӓlegӓ bilgesez. Lӓkin küz çeltӓrenӓ qan ağımınıñ buluı bilgelӓnde.
Operaśiyane yasağan Yöz küçerü programmaları menedjerı Êduardo Rodriges xastanıñ kürep kürmӓw ixtimalınıñ tübӓn buluına qaramastan küz küçerep utırtunıñ möhim uñış buluın belderde.
