Ğazzädä qabat utnı tuqtatırğa çaqıralar

BMO ğomum särqätibe Antoniu Guterreş Ğazzädä tınıç xalıqnıñ üterelüenä borçıluın äytep, aşığıç räweştä utnı tuqtatırğa çaqırğan.

BMO wäkilçelegennän mäs’älä belän bäyle yazmaça açıqlaw yasalğan.

Açıqlawda Antoniu Guterreşnıñ İzrailğa qarağan 7 oktäbr’ könge höcümne ğayepläwe xäterlätelä, şulay uq barlıq totıqlarnı aşığıç räweştä häm şartsız irekkä cibärü çaqıruı urın ala.

Açıqlawda bolay diyelä: “Ğomum särqätip Ğazzädä tınıç xalıqnıñ üterelüenä häm gumanitar fäläkät öçen borçıla. Ğomum särqätip utnı tuqtatırğa qabat çaqıra.”

Bötendön’ya sälamätlek saqlaw oyışması ğomum mödire Tedros Adanom Gebreisus ta İzrailneñ tığız höcümnäre astındağı Ğazzädä utnı tuqtatırğa çaqırğan.

Gebreisus X soŝial’ çeltärendä bolay dip yazdı: “Ğazzädä 10 meñ keşe ülde. Bolardan 4 meñennän artığı – balalar. Bu gumanitar afät tağın ni qadär däwam itäçäk? Barlıq taraflarnı gumanitar utnı tuqtatu mäs’äläsendä kileşergä häm daimi tınıçlıq urnaştıru öçen tırışlıq quyarğa çaqırabız.”