AQŞ İzrailneñ Ğazzäne qabat basıp aluın yaqlamıy
AQŞ däwlät departamentınnan belderülärençä, Blinken İzrailgä säfäre waqıtında monı açıq räweştä äytkän
Amerika Quşma Ştatlarınıñ däwlät departamentı İzrailneñ Ğazzäne qabat basıp aluın yaqlamawların häm monı İzrailgä açıq räweştä belderülären citkerde.
AQŞ däwlät särqatibeneñ süzçese urınbasarı Vedant Patel matbuğat cıyılışında jurnalistlarnıñ bu xaqtağı sorawlarına cawap birde. Anda İzrail xökümäte räise Bin’yamin Netan’yaxunıñ “suğıştan soñ Ğazzädäge iminlek cawaplılığın üz öslärenä alaçaqları” turındağı süzlärenä açıqlıq kertü soraldı.
“İzrailneñ Ğazzäne qabat basıp aluın yaqlamıybız,”-dip cawap birde Patel häm AQŞ däwlät särqatibe Êntoni Blinkennıñ da İzrailgä säfäre waqıtında äñgämädäşlärenä monı açıq räweştä citkerüen äytte.
Tik süzçe, şuş uq waqıtta, bäreleşlärgä qadärge “6nçı oktyabr’ status-kvosı”na kire qaytu mömkin tügellegen, İzrailneñ töbäktä iminlegen saqlaw kiräklegen häm Ğazzäneñ “terror höcümnäre” öçen baza bulmayaçağın alğa sörde.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar
