Awrupada köçle dawıl çıqqan

Awrupanıñ könbatış töbäklärendä küzätelüçe “Siaran” dawılı arqasında Bel’giyadä 3, Franŝiyadä 2, Niderlandta 2, Germaniyadä 1, İtaliyadä 1 häm İspaniyadä 1 keşeneñ ğomere özelde.

Ülüçelärdän iñ keçkenäse isä - 5 yäşendäge Ukrainalı bala.

Tizlege sägätenä 200 çaqrımğa citkän köçle dawıl Awrupanıñ şaqtıy şähärendä tormışqa tiskäre täêsir itte.

Dawıl arqasında êlektr tapşıru liniyaläreneñ zarar kürüe näticäsendä Franŝiyadä 1 million 200 meñ yort utsız qaldı, qayber töbäklärdä telefon liniyaläre özelde.

Angliyaneñ kön’yağında isä yözlärçä mäktäp yabıldı.

Niderland, İspaniya häm Angliyadäge şaqtıy şähärdä reyslar ğamäldä çaığarılğan. Aêroportlar şığrım tuldı. Poyızd säfärlärendä dä kiçegülär barlıqqa kilde.

İtaliyadä dawıl tön’yaqtağı Veneto häm Toskana töbägendä tormışqa tiskäre täêsir itä.

İtaliyan ANSA agentlığı xäbärenä kürä Veneto töbägendä 1 keşeneñ yuğaluı belderelde.

Meteorologiya belgeçläre dawılnıñ Awrupada atna buyı däwam itäçägen açıqladı.