Franŝiyadä köçle dawıl küzätelä

Franŝiyadä küzätelüçe “Siaran” dawılında ber keşe ülde.

Dawıl arqasında ilneñ tön’yaq-könbatış häm könbatışındağı töbäklärdä uyaw bulu sorala.

30 töbäktä sörän däräcäse qızğılt-sarığa kütärtelde.

Manş, Kot-d’Armor häm Finister töbäklärendä isä qızıl töskä kütärgännär.

Dawıl iñ küp küzätelgän Finisterda yullar yabıldı. Manş häm Kot-d’Armorda maşina yörtüçelärgä yulğa çıqmasqa kiñäş itelde.

Êna töbägendä ber yök maşinasınıñ äylänüe näticäsendä yörtüçese yaqtı dön’yadan kitte.

Hawa yulı transportında da dawıl arqasında citeşsezleklär küzätelde.

Şulay uq ildäge qayber timer yulı säfärläre ğamäldän çığarıldı.

Dawıl arqasında 1 million 200 meñ keşe utsız qaldı.

Böyekbritaniya, İrlandiya, Franŝiya häm İberiya yarımutrawında küzätelüçe häm tizlege sägätenä 170 çaqrımğa citkän “Siaran” dawılı arqasında köçle yawım-töşem häm su basu turında kisätälär.