Meksikada ğarasat qotıra

Meksikada Otis ğarasatı säbäple 27 keşeneñ ğomere özelde. Kimendä 4 keşeneñ yuğaluı belderelä. Meksika qurqınıçsızlıq ministrı Rosa İsela Rodriges afätneñ 5nçe kategoriyägä citüe häm cimergeç bula aluı turında kisätkän ide.

Ğarasat säbäple distälärçä meñ keşeneñ yortı zıyan kürä, êlektr utı betä.

Okeanda barlıqqa kilgän Otis dawılı ilneñ kön’yağındağı kurort şähäre Akapul’kada yarğa bärde. Anıñ täêsirendä köçle yawım-töşem başlandı. Töbäktä waqıtlıça sıyınu urınnarı qorıldı.

Meksika armiyäse häm flotı 8 meñnän artıq ğaskärine êzläw-qotqaru êşläre öçen kön’yaqqa kiterde. Cirlektä portlar da waqıtlıça yabıldı.