“Starlink”nıñ xärbi versiyäse sınaldı
AQŞ armiyäse anı östämä êlemtä çarası bularaq qullanırğa uylıy
Amerika Quşma Ştatları armiyäse İlon Masknıñ “Starlink” yasalma iyärçen sistemasınıñ xärbi versiyäsen sınaw testları uñışlı räweştä tämamlanuın xäbär itte.
“The Defence Post”nıñ xäbärenä qarağanda, AQŞ armiyäse ışanıçlı çeltär buldıru maqsatınnan Cirneñ tübän orbitasındağı iyärçennärne qullanuçı “Starlink”nıñ "Starshield" dip ataluçı versiyäzen sınadı.
Polkovnik Brendon Tig barlıq sistemalarnıñ kimçeleksez êşläwen citkerde. “Xäzerge waqıtta üz yasalma iyärçenle êlemtä sistemabız bar, tik “Starshield” ixtiyac bulğanda östämä êlemtägä iyä buluıbız öçen bezgä başqa cihaz täq’dim itä”,-dide ul.
Sistema töp êlemtä çeltärläre “doşmannar” tarafınnan bozılğan xäldä östämä êlemtä çarası bularaq qullanılaçaq.
AQŞ armiyäse “Starshield”nı kiläse ayda Gavayi ştatında tağın da qatlawlıraq testlar aşa ütkärergä planlaştıra.
Bäyläneşle xäbärlär
Blinken çığışı waqıtında protestqa duçar buldı
AQŞ däwlät särqatibeneñ Senattağı çığışın Fälästinne yaqlawçılar 3 tapqır bülde