Myanmada su basu afäte

Myanmanıñ kön’yağında musson yañğırları kiterep çığarğan su basular arqasında 10 meñnän artıq keşe öylären taşlap kitärgä mäcbür qaldı.

Myanmanıñ Soŝial’ mullıq, yärdäm häm toraq punktları ministrlığı räsmi zatı Ley Şve Zin Oo beldergänçä Bago töbägendä uzğan atnadan bügengä qadär däwam itüçe yawım-töşemnär su basularğa kiterde.

Afättä xäzergä qadär ülüçe yuq.

Myanmanıñ Meteorologiya departamentı ber kvadrat metrğa 200 kilogram yawım-töşemneñ turı kilüen, bu miqdarnıñ soñğı 59 yılda iñ yuğarısı buluın açıqladı.

Ley Şve Zin Oo su basular arqasında yärdäm lager’ları, mäktäplär häm monastır’larğa sıyınğan keşelärneñ azıq-tölek häm su ixtıyaclarınıñ räsmi zatlar tarafınnan qanäğat’länderelüen citkerde.

Räsmilär su basu afätläre arqasında zur şähärlärneñ timer yulı liniyalärendä kiçegülärneñ küzätelüen belderde.