AQŞ Urta diñgezgä östämä flot cibärä

Amerika Quşma Ştatlarınıñ saqlanu ministrı Lloyd Ostin “Xamas” başlağan höcümnärdä İsrailgä yärdämgä äzer bulu maqsatınnan oçqıç korabları flotın Urta diñgezneñ könçığışına cibärü kürsätmäse birde.

Pentagonnan yasalğan belderüdä AQŞnıñ regionda höcümnärne kire qaytarı tırışlıqlarına teräk bulu maqsatınnan saqlanu ministrlığınıñ cirlektäge poziśiyäsen köçäytü öçen adım yasawı citkerelde.

AQŞ xärbi-hawa köçläreneñ töbäktä F-35, F-15, F-16 häm A-10 xärbi oçqıçları flotın arttıraçağı da äytelde.

Belderüdä, monnan tış, AQŞnıñ İzrail armiyäsen, qorallarnı da kertep, östämä cihaz häm çığanaq belän täêmin itäçäge assızıqlana. İon diñgezendä uzğan atnada İtaliyä belän xärbi öyränülär uzdırğan “Djeral’d R. Ford” Amerika Quşma Ştatlarınıñ iñ yaña häm iñ aldınğı oçqıç korabı.  

“Xamas” oyışması şimbä könne İzrailgä qarata “Aqsa tufanı” dip ataluçı külämle höcüm başlawın iğ’lan itte. Ğazzädän İzrailgä taba meñnärçä raketa cibärelde, qorallı törkemnär regiondağı toraq punktlarğa kerde.

İzrail armiyäse isä xärbi oçqıçlar belän Ğazzägä “Timer qılıçlar” xäräkäte başlawın xäbär itte.

Kiyerenkelek üsä. İke yaqta da yözlärçä hälaq buluçı bar.